លោក តាំង សុខឃី បន្តថា ឆ្លងតាមបទពិសោធន៍ដ៏ច្រើន របស់ក្រុមហ៊ុន កន្លងមក លោកបាននិងកំពុង ពង្រីកគម្រោងទី២ លើផ្ទៃដីជាង ១ ពាន់ហិកតាទៀត។ គម្រោងនេះ ក្រុមហ៊ុន ត្រូវការកញ្ចប់ថវិកាច្រើនទៀត ដើម្បីវិនិយោគ ដែលចាំបាច់ ស្វែងរកប្រាក់កម្ចី ការប្រាក់ទាប ក្នុងរយ:ពេលវែង ដើម្បីពង្រីក។ ចំណែកទិន្នផលស្រូវ មិនពិបាករកទីផ្សារនោះទេ ព្រោះជាប្រភេទស្រូវនាំចេញ ពោលគឺនៅពេលច្រូតកាត់ភ្លាម មានឈ្មួញមកទទួលទិញអស់។ចាប់តាំងពីរដូវប្រាំង ឆ្នាំ២០១០-២០១៤ គម្រោងអភិវឌ្ឍន៍ កសិកម្មសុខសែនជ័យ នៃក្រុមហ៊ុន អេង ឌីប៉ូ អភិវឌ្ឍន៍ ស្ថិតនៅឃុំកំពង់អុស ស្រុកពញាឮ ខេត្តកណ្តាល ធ្វើស្រែ ទទួលបានទិន្នផលស្រូវ ជាមធ្យម ពី ៥ តោន ទៅ ៧ តោន ក្នុងមួយហិកតា ហើយនៅរដូវប្រាំង ឆ្នាំ២០១៤-២០១៥នេះ ក្រុមហ៊ុនកាន់តែមានបទពិសោធន៍ ក្នុងការរៀបចំដីស្រែ ប្រើពូជ ប្រើជី ការថែទាំ និងការបញ្ចេញបញ្ចូលទឹកបានល្អ សង្ឃឹមថា ឆ្នាំនេះ ពិតជាទទួលបានទិន្នផល ខ្ពស់ជាងឆ្នាំមុនៗ។
ក្រុមហ៊ុន អេង ឌីប៉ូ អភិវឌ្ឍន៍ បានធ្វើពិធីច្រូតកាត់ទ្រង់ ទ្រាយធំមួយ ដើម្បីប្រមូលផលស្រូវ រដូវប្រាំង ឆ្នាំ២០១៤-២០១៥ ស្ថិតក្នុងគម្រោងអភិវឌ្ឍន៍ កសិកម្មសុខសែនជ័យ កាលពីព្រឹកថ្ងៃទី៧ ខែកុម្ភៈ ឆ្នាំ២០១៥ ដោយមានការចូលរួមពី លោក ទី សុគន្ធ រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ លោកឧកញ៉ា ឌីប៉ូ អគ្គនាយកក្រុមហ៊ុន អេងឌីប៉ូ អភិវឌ្ឍន៍ និងមន្ត្រីពាក់ព័ន្ធជាច្រើនទៀត។
លោក តាំង សុខឃី តំណាងឲ្យលោកឧញ៉ា ឌី ប៉ូ បានឲ្យដឹងថា ក្រុមហ៊ុន អេងឌី ប៉ូ អភិវឌ្ឍន៍ ត្រូវបានទទួលសិទ្ធិពី រាជរដ្ឋាភិបាល ធ្វើការអភិវឌ្ឍន៍ វិស័យកសិកម្មដំណាំស្រូវ លើទំហំដី ៦៧៥ ហិកតា ចាប់តាំងពីឆ្នាំ២០០៦ រហូតដល់ឆ្នាំ២០០៩ ក្រុមហ៊ុនជួបការលំបាក បញ្ហាមួយចំនួន រឿងវិវាទដីធ្លី ជាមួយឈ្មួញខិលខូច ឆ្នាំ២០០៩.២០១០ ទើបក្រុមហ៊ុន អាចដំណើរការ បង្កបង្កើនផលស្រូវ បានលើផ្ទៃដីទំហំ ៣១៥ ហិកតា ទទួល បានទិន្នផលស្រូវ ចាប់ពី ៤ តោន ទៅ ៥ តោន ក្នុង ១ ហិកតា។ ដោយមានការជួយ ជ្រោមជ្រែង និងគាំទ្រពីក្រសួងកសិកម្ម រុក្ខាប្រមាញ់ និងនេសាទ ផ្ដល់ការលើកទឹកចិត្ដឲ្យ ក្រុមហ៊ុនបន្ដដំណើរ ការដាំដុះស្រូវ ឲ្យមានគុណភាពក្រសួង ក៏បានផ្ដល់អ្នកបច្ចេកទេស និងផ្ដល់ពូជស្រូវ យកមកធ្វើការដាំដុះ ទទួលបានទិន្នផលល្អ ច្រើនជាងមុន ជាក់ស្តែង នៅឆ្នាំ២០១៣-២០១៤ ក្រុមហ៊ុនបានពង្រីកផ្ទៃដីបន្ថែម ៧៦៨ ហិកតា ដោយក្នុង ១ ហិកតា ទទួលផលបាន ៥ តោនទៅ ៧ តោន។ នៅថ្ងៃខាងមុខនេះ ក្រុមហ៊ុននឹងធ្វើការពង្រីកផ្ទៃដី បន្ថែមឲ្យគ្រប់តាមផែនការ ចំនួន ១.៦៩០ ហិកតា។ ក្រុមហ៊ុនទទួលយកកម្លាំងពលកម្ម មកបម្រើការងារនៅទីនេះ ចំនួន ១៨៦ នាក់ ក្នុងនោះ មានស្ដ្រី ១៥ នាក់។
លោកបានបន្តថា ដោយទទួលបានការអនុញ្ញាត ឲ្យអភិវឌ្ឍន៍លើដីសម្បទានសេដ្ឋកិច្ច “គម្រោងអភិវឌ្ឍន៍កសិកម្ម សុខសែនជ័យ” លើផ្ទៃដីទំហំ ១.៦៩០ ហិកតា ក៏ពិតមែន ប៉ុន្តែផ្ទៃដីទាំងអស់ខាងលើ ត្រូវបានប្រជាពលរដ្ឋ ក្នុងមូលដ្ឋានឃុំកំពង់អុស និងក្រៅមូលដ្ឋាននេះ បានអាស្រ័យផលពេញគម្រោង ជាហេតុធ្វើឲ្យក្រុមហ៊ុន ត្រូវធ្វើការសម្របសម្រួល ជាមួយពួកគាត់ ដោយទូទាត់ជាថវិកា តាមការព្រមព្រៀង ជូនពួកគាត់ទៅតាមទំហំដីជាក់ស្តែង ដែលគាត់បានអាស្រ័យផល ដោយមិនមានការគាបសង្កត់ ឬបង្ខិតបង្ខំ រំលោភ បំពាន ពួកគាត់ឡើយ ហើយរហូតមកដល់ពេលនេះ ក្រុមហ៊ុនបានទូទាត់ថ្លៃដី តាមការព្រមព្រៀង បានប្រមាណជា ១.៤៣៦ ហិកតា ស្មើនឹង ៨៥ ភាគរយ នៃផ្ទៃដីសរុប។
លោក តាំង សុខឃី បានបន្ថែមថា ដោយមើលឃើញយ៉ាងច្បាស់ នូវសក្តានុពលវិស័យ កសិកម្មដំណាំស្រូវ នៅតំបន់នេះ មានវិសាលភាពធំធេង ទើបក្រុមហ៊ុន បានតម្លើងម៉ាស៊ីន ដែលអាចសម្ងួតស្រូវ បាន ២៧០ តោន ក្នុងមួយថ្ងៃ និងអាចសម្ងួតស្រូវរបស់ ប្រជាពលរដ្ឋក្នុងតំបន់នេះទៀតផង។ ទន្ទឹមនឹងនេះ ក្រុមហ៊ុននៅជួប បញ្ហារាំងស្ទះខ្លះៗ ដែលមិនអាចអនុវត្តបាន តាមគម្រោង ដោយកន្លែងខ្លះ ក្រុមហ៊ុនត្រូវរៀបចំ ប្រព័ន្ធ ធារាសាស្ត្រ ប៉ះចំដីប្រជាពលរដ្ឋ ដែលគាត់កំពុងអាស្រ័យផល ស្ថិតក្នុងគម្រោងអភិវឌ្ឍន៍ តែគាត់នៅមិនទាន់ទទួលយកថវិកា សម្របសម្រួលថ្លៃដីពី ក្រុមហ៊ុននៅឡើយ ហើយបើទោះបីជា ក្រុមហ៊ុនបានរៀបចំដីស្រែ យ៉ាងសមរម្យ ធានាប្រភពទឹកគ្រប់គ្រាន់ សម្រាប់ដោះដូរ ជាមួយគាត់ក៏ដោយ ក៏គាត់មិនព្រម ជាហេតុធ្វើឲ្យក្រុមហ៊ុន ត្រូវផ្អាកការ សាងសង់ ប្រព័ន្ធធារាសាស្ត្រទាំងនោះ ដោយមិនធ្វើឲ្យប៉ះពាល់ ដល់ដីស្រែប្រជាពលរដ្ឋឡើយ។
សូមបញ្ជាក់ថា ក្រុមហ៊ុន អេងឌី ប៉ូអភិវឌ្ឍន៍បានទទួលសិទ្ធិ ពីរាជរដ្ឋាភិបាល ធ្វើការអភិវឌ្ឍន៍ វិស័យកសិកម្ម ដំណាំស្រូវ លើទំហំដី ៦៧៥ ហិកតា ចាប់តាំងពីឆ្នាំ២០០៦ រហូតដល់ឆ្នាំ២០០៩ ក្រុមហ៊ុនជួបការលំបាក បញ្ហាមួយចំនួន រឿងវិវាទដីធ្លីជាមួយ ឈ្មួញខិលខូច ឆ្នាំ២០០៩.២០១០ ទើបក្រុមហ៊ុន អាចដំណើរការ បង្កបង្កើនផលស្រូវ បានលើផ្ទៃដីទំហំ ៣១៥ ហិកតា ទទួលបានទិន្នផលស្រូវ ចាប់ពី ៤ តោន ទៅ ៥ តោន ក្នុង ១ ហិកតា។ ដោយមានការជួយជ្រោមជ្រែង និងគាំទ្រពីក្រសួងកសិកម្ម រុក្ខាប្រមាញ់ និងនេសាទ ផ្ដល់ការលើកទឹកចិត្ដ ឲ្យក្រុមហ៊ុនបន្ដដំណើរការដាំដុះស្រូវ ឲ្យមានគុណភាព ក្រសួងក៏បានផ្ដល់អ្នកបច្ចេកទេស និងផ្ដល់ពូជស្រូវ យកមកធ្វើការដាំដុះ ទទួលបានទិន្នផលល្អ ច្រើនជាងមុន។ ជាក់ស្តែង នៅឆ្នាំ២០១៣-២០១៤ ក្រុមហ៊ុន បានពង្រីកផ្ទៃដីបន្ថែម ៧៦៨ ហិកតា ដោយក្នុង ១ ហិកតា ទទួលផលបាន ៥ តោនទៅ ៧ តោន។ នៅថ្ងៃខាងមុខនេះ ក្រុមហ៊ុននឹងធ្វើការពង្រីកផ្ទៃដីបន្ថែម ឲ្យគ្រប់តាមផែនការ ចំនួន ១.៦៩០ ហិកតា។ ក្រុមហ៊ុនទទួលយកកម្លាំងពលកម្ម មកបម្រើការងារនៅទីនេះ ចំនួន ១៨៦ នាក់ ក្នុងនោះ មានស្ដ្រី ១៥ នាក់៕
